"كايروكي" باند

كايروكي باند

كايروكي .. هو اول باند مصري بيغني الروك باللغة المصرية .. الباند ابتدا مشواره الفني بشكل رسمي في سنة 2003 ودة على الرغم من انهم درسوا الموسيقى في سن مبكر جدا.

الباند حقق نجاح كبير جدا منذ بداية ثورة 25 يناير وبالاخص بعد اغنية " صوت الحرية " اللي بيعترها الشباب انها اغنية الثورة المفضلة ليهم او اغنية الحرية زي مابيحبوا يسموها ودا لأن الاغنية دي اتعرضت قبل تنحي حسني مبارك بيوم واحد بس.

واللي بيميز الاغنية دي اكتر انها اتعرضت في ميدان التحرير وظهر بعد الثوار فيها علشان كدة بنحس بمصداقية كبيرة جدا في الاغنية دي.

قبل ما الفرقة تتكون كانوا اعضاءها مشغولين بحاجة واحدة بس في حياتهم وهي الغناء والموسيقى واول ناس ابتدت تغني في كايروكي هما امير عيد وشريف الهواري وبعدين انضم ليهم باقي افراد الفريق .

الباند ابتدا حياته الفنية بالغناء باللغة الانجليزية تحت اسم " the black star " وبعدين قرروا تكوين فريق كايروكي وقرروا انهم يغنوا باللغة الام وهي اللغة العربية .

اسم كايروكي هو عبارة عن مزيج من كلمتين .. " cairo " و " karaoke " والاسم بيعبر عن انهم بيغنوا عن واقع شاباب مصر .

اغانيهم حققت نجاح كبير جدا ودة لان الشباب المصري استطاع ان يجد نفسه فيها لانها بكل بساطة اقرب الى واقعهم وتفكيرهم اكتر من غيرها من الاغاني .

نجاح الباند كان ليه تأثير كبير جدا على المشهد الغنائي المصري ودة بالطبع لانهم ابرزوا نوع مختلف من الغناء العربي

اول البوم للباند كان البوم " مطلوب زعيم " في 2011 واشهر اغنية في الالبوم هي " صوت الحرية " ودي كانت بالاشتراك مع هاني عادل عضو في فريق " وسط البلد "، وكمان اغنية " يا للميدان " بالاشتراك مع عايدة الايوبي.

في 2012 حقق البومهم " وانا مع نفسي قاعد " نجاح غير متوقع حيث اصبح الاكثر مبيعا على مستوى مصر .

ومن اشهر الاغاني اللي حققتلهم نجاح بردة هي اغنية " اثبت مكانك " بالاشتراك مع زاب ثروت

ومن اهم الجوايز اللي حصل عليها الباند هي جايزة " افضل فريق موسيقي في الشرق الاوسط " ودي كانت في 2013 .

أسمعوا كايروكي

فتره 2013 كلها كان الباند مشغول شويه بقضايا المجتمع و بالذات السياسيه و كانت اكتر اغانيهم واخده اللون السياسى ده لحد ما بدأووا يعملوا اعلانات لشركة كوكاكولا و يعملولهم اغانى بعيده شويه عن لون الباند و دخلوا ف الاغانى الاجتماعيه شويه او ما يطلق عليها الشبابيه، و ده برضه حققلهم نجاح كبير جدا و عرّف ناس كتير جدا بيهم مكانوش لسه يعرفوهم من اهم الاغانى اللى كانت ف الفتره دى هى اغنية ... "مكملين"

الباند بيتكون من 6 اعضاء وهما

امير عيد " غناء و جيتار " .. شريف الهواري " غناء و جيتار " .. تامر هاشم " درامز " شريف مصطفى " اورغ و بيانو " .. ادم الالفي " جيتار " .. احمد بهاء " ايقاع "